Mi Zo Leh Vai/ Vui-te lal thu rem dan

Mihring Lushei tlang a mi hi kan hmul-lo va … chauh kan in ang a ni, an khua te thu-chhia an rem dan pawh a in-ang lo hle mai: Vai-te lal chuan an rem thei lul lo va, an mang-an tak em em chuan an lal chu lu-ka a hian a va chhuak-a, “Vui-te, in thu ka rem zo ta lova chung a ni leh thla in, li-pui-in mi lo en sak rawh,” an ti a. Tin , a thu chhe nei-tu te chu an pahnih-in ar an keng ve ve a, li-pui a lut tur in pui thiam nen lui an bia a; ar pakhat chuan lui mawng lam an bia a; tin, pakhat chuan lui hnar an bia a; tin, thu-chhe nei ve ve chhip a chuan ar thi an zai-khum a, chu ar-thi chu thu chang zawk … a hnara chuan a luang chhuak a. Tin, an tiam veleh thu nei te pahnih chu li-pui chhung a an lu-tir a; tin, li-pui mawng a lung-te zuk la thei a piang chu thiam an chan tir thin.

Tin, Thado ho chuan thu chhia nasa em em an nei chuan, a thu-nei-tu te ve ve chuan ar; tui pakhat ve ve an han keng a, ar-tui hel chu an chhu pawp a; tin, a hnuai a mei te-tak-te an chhem a, pui-thiam-in a chham-pual a, chu mi ar tui chu a pauk-phel zawk a piang an thiam lo thin.

Tin, thu-nei-tu hmeichhia ve ve an ni chuan an puan-fen ve ve an lak-sak a, ui khuh nan an hman sak a, chu mi puan-fen … chuan a phiah-thler a piang chu thiam-lo an chang thin.

Lian-nawna, Bial Dobashi; Ngopa Khua.

He thu hi Mizo leh Vai Chanchin Lekhabu, Lekha VI, June 1904, phek 1 – 2 atanga lak chhawn a ni


Mizoram a chanchinbu chhuak hmasa ber pawl, Mi Zo Leh Vai Chanchin Lekhabu ami thu kan han chhuah chhawng e. He chanchinbu hi khatih lai a Lushai Hills Superintendent in thlatin a tihchhuah, Sylhet a chhut thin ani. He thu hi a ngai ngai a chhuah chhawn ani.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s