Mi Zo Leh Vai/ Puitling enkawl dan (awm zel) 

Mi chak thei lo tak i enkawl chuan mu chungin ei rawh se thu tir shuh. A saishir-in mu shela mau dawn hmawr a ei-tur tui-a awm shela, zu rawh se. Chutiangin a ei thei lo leh kut veilam-in a lu tlem-in khai kau a, kut ding lam-in fian-in eitur pek-tur a ni.

Mi a nat at chuan, tin, reitak enma ei shuh shela, i zungpui leh kutzung hmawr-in a hrawk bawk chul langin a ka a tui i tulh apiang a lem thei ang a. Mi damlo te hnena an chakna tur englo pek fo tur a ni.

Rei tgak mi an nat chuan, pan an nei duh hle thin. Chuvangin hmun khat a mut reng tur a ni lo. Nitin a hnungzang hruk tur a ni a. Pan lo awm dawn shela, nitin vawi thum tui-in sil tur a ni. Tin, sahriak puan-chhe thiang-hlim-in tuam tur a ni.

Mi damlo tho thei-shuh shela ama kai tho lovin a puan thleng thei a ni. A mutna puan chanve a dung lam zial la, a zial sa lam rawn delh hnan shela, tin, awl takin a hnuai a kaiparh thei a ni.

Mi damlo tam tak an riltam avangin an thi a, Chak shelangin na nashatakte pawh an tuar thei ang. Damdawi pek aiin chaw pek a pawimawh zawk thei, Chaw ei lai-in mi damlovin tlem te chauh a duh thei, chuvangin a chhun a zan-in vawi tam tak pek tur a ni. Midamlo chuan chaw a ei duh lo thei, a chang in a ei duh tawp lova, riltam a hriat lo avangin. A chhun zan-in darkat khat dana mi chak theilo hnena ei-tur pek fo tur a ni. Zana pek hi a pawimawh em em a ni. Nimashela mi damlo tiharh tur a ni lo, chhun ai-in zan an chak lo zawk, chuvangin ei-tur pek zawk tur a ni. Heti avang hian zing taka ar khuan hma pawhin mi an thi hnem zawk a ni. Mi an muthilh rei luat lutuk chuan chaw pe turin ti harh tur mai a ni.

Mi damlo a pum-in sil vek tur a ni, chutichuan ni lum hman tur a ni, kawng pawh khar tur a ni, tin, … hul tur a ni. Tin, kutphah leh ban sil leh tur a ni; chu ve leh hruk hul tur a ni, tin, tuam tur a ni.

Tin, awm leh pum tih leh tur a ni, hruk hul leh tur a ni. A hnuhnung ber a a hnujng-zang sil tur a ni. Tuibur-hmuam-da lai zawh a china kawng hawn tur a ni lo. Mi pang a sat chuan chutiang in sil ila a taksa a lo dai ang a, a nuam deuh vang a. Shik sherh ti-reh turin chu chu an hmang thin.

Tupawh awm hnawk apiang tui lum deuh vin a awm leh a hnungzang sil ila a nuam deuh vang a.

Tupawh damlo shela a lu sahriak hnawih ila a nuam deuh thei, a ti zual ngai lo.

(E.W.)

Mizovin mi damlo an sil duh ngai lo, fimkhur takin sil shelangin mi damlo a nuam deuh vang a, a damna tur a ni ang a, a rim a che lo vang a, a enkawltu  a tan a nuam zawk ang a. Bawlhhlawh ngawt avangin mitte a na, uithak pawh an vei, thakship te pawh an vei thin. Nitin inbual ila kan hahdam zawk anga, kan thaw-veng zawk ang, kan dam zawk ang. Bawlhhlawh natna hnar a ni. Thianghlimna hriselna hnar a ni. Mi taksa a thinghlim chuan a rilru pawh a thianghlim bawk thei.

Zosapthara.

He thu hi Mizo leh Vai Chanchin Lekhabu, Lekha VI, June 1904, phek 2-4 atanga lak chhawn a ni


Mizoram a chanchinbu chhuak hmasa ber pawl, Mi Zo Leh Vai Chanchin Lekhabu ami thu kan han chhuah chhawng e. He chanchinbu hi khatih lai a Lushai Hills Superintendent in thlatin a tihchhuah, Sylhet a chhut thin ani. He thu hi a ngai ngai a chhuah chhawn ani.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s