Mi Zo Leh Vai/ Thu Nawite

M&V

Tunlai hian thil shiam thar te alo mak deuh deuh thin. Hman ni a khanin Kumpinu roreltu-in Sheffield khua a thu a shawi a. Chu khua chu London khua atangin mel 165-in a hla. Nimashela kawl-phe-thil-tih-theihna-thir-hrui-in London khua a a awm fiah takin an hre thei.

London khua a Zawng pakhat a awm a; Africa ram atangin an la a ni. Mihring angin thil tam tak a ti thei a ni. Vaibel a zu thei, zu a in thei, khawl-chhut in a hming a ziak thei, thir-sakawr chunga a chuang thei. A thu nun tu-in a zirtir apiang a hre thei ang rengin a awm. Naupang duh duh a khawlai leng thei rual a ni, ding-in a kal thei. A pianna chin kum li leh a chanve a ni a. Sap ram tina entir turin an kalpui a.

A thi hnuin a neitu-in a nun-hum-him-na mau thawh khawm cheng 3000,000  a hmu ang a.

Rannung then khat-in mit pahnih aia tam zawk an nei. Thil khata an en rual hek lo. Vang-vat-in a lu chhipa mit shawm a nei a. Tui-fin-riata rannung pakhat-in a lu a mit pahnih lo pawh a taksa shir tuak a mit tam tak a nei bawk a. Tangkeu then khat-in mit pathum an nei. Khuai then khat-in mit lian pahnih an nei, thil hnai hmu-na turin; tin, an lu chhip a mit te pathum an nei bawk a, thil hla tak hmu-na turin Mihring thil hnai tak kan hmu chiang thei lova.

Kumina, Sap rama’n lawng lian ber an tu ta. A dung lam hlam 121 a n i a. Mawnd maktaduai a phur thei. Mihring shang thum, an chaw te, an bungrua nen a phur thei.

Kum tinin khawmual lawngin mi tam tak a ti hlum thin. Russia rama an thi hnem ber; khawmual lawng a mi kal te, mi makta-duai zing a shawm thum an thi zel.

Kum za khat chhung a in-dovin mihring 30,000,000 ral-a an thi thin.

Phaitula a pasal man an pe thin. Uganda ram a nupui man sebawng pali, silai mu leh silai hlo bawm khat, hriau paruk man a an pe. Africa Kaffir-in sebawng pali emaw, shawn emaw an pe. Tartary ram a pa-in mawkawn a hmu chuan a fanu pek a lungni. Sap ram a erawh chuan nupui man te, pasal man te an pe ngai lo. Englo lawm-na tur an in-pe thin. Tin, a thian te pawh in mo leh a pasal hnena lawmna an pe thin.

He thu hi Mizo leh Vai Chanchin Lekhabu, Lekha VI, June 1904, phek 1&2 atanga lak chhawn a ni


Mizoram a chanchinbu chhuak hmasa ber pawl, Mi Zo Leh Vai Chanchin Lekhabu ami thu kan han chhuah chhawng e. He chanchinbu hi khatih lai a Lushai Hills Superintendent in thlatin a tihchhuah, Sylhet a chhut thin ani. He thu hi a ngai ngai a chhuah chhawn ani.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s