Rambuai/ Sawrkar hnathawkte khuahkhirhna dan

D/204-70

SAWRKAR HNATHAWKTE KHUAHKHIRHNA DAN

(GOVERNMENT SERVANT CONDUCT RULES)

1966

 

BUNG-1

  1. He Dan hi ‘ Sawrkar Hnathawkte Khuahkhirhna Dan, 1966’ vuah a ni.
  2. ‘Sawrkar’ tih hi Mizoram sawrkar tihna a ni a, ‘Sawrkar hnathawk’ tih leh ‘Hnathawk’ tih hi Mizoram Sawrkar hnathawk tupawh hlawh hmu emaw, hmu lo emaw, allowance hmu emaw, hmu lo emaw, tlawmngaihna a thawk emaw (Honor) sawi na a ni a, sipai erawh chu huap tel an ni lo.
  3. He dan hi March ni 1, 1966 atanga hman nghal a ni.

 

BUNG-II

  1. Sawrkar hnathawk tupawh sawrkarin a rawihnaah emaw, a hna tura a ruatsakah emaw, mi dang hna a thawh tura ruatah emaw rinawm taka thawk tur a ni a, rinawmlohna avanga a hnatrhawh a tibahlah chuan a hnatrhawhna atangin ban theih a ni ang.
  2. Sawrkarin a hna tura aruat fello tak leh tlinglo taka thawk reng reng hnathawk tupawh ban theih a ni.
  3. Sawrkar hnathawk ziahna file leh thupek ziahna reng reng a thawktu chauhin a hria in a khawih thei anga, chung file leh thupek tibo emaw, tichhia emaw, a hre tur lova ruat te hnen a thupek leh sawrkar thuruk hrilhtu apiang chu ban theih an nih bak ah hrem theih an ni.
  4. Sawrkar hnathawktuten an mahni hnathawhna nilo, midang file an thu thu in an khawih thei lovang.
  5. Sawrkar thupek leh thupuante a puangdarhtu tura ruatte chauh lo chuan an puang thei lova, sawrkar thu lova chutiang a puang darh apiang chu hrem theih an ni.
  6. Hotute emaw, mahni thawhpuite emaw phiar chu hrem theih an ni.
  7. Sawrkar hnathawk tupawh in sawrkar duhlo zawng sawi leh titute a hriat apiang a report zel tur a ni a, chutiang ti duh lo tute chu ban theih an ni.
  8. Pisa hun ni pawisa lova bawlhpelh tute chu hrem theih an ni.
  9. Sawrkar hnathawktute chuan an chung a mi te an zah tur a ni a, zah lo tak leh an thu pawh awi lova an awm chuan an hnathawhna atanga chawlhtir theih an ni.
  10. Sawrkar bungrua te tak te pawh phalna lovin tuman an la tur a ni lova, chutiang la tute chu hrem theih an ni.
  11. Sawrkar hnathawhna tanga nawrh khap tlat a ni. … rela thiante sawmru leh mi dangte khawih-…. chu hrem theih a ni a, chutiang nawrhna sawmtute reng reng pawh hrem theih an ni.
  12. Sawrkar dan siam zawm lo tute chu hrem theih an ni.
  13. Sawrkar hnathawk tupawh thuneitute phalna lo a … hnathawhna atanga ban phal a ni lo. Mahni thua bang lui chu Sawrkar hna pek an ni tawh lovang. Hna sang zawk leh tha zawk an dilna thuah erawh chuan thuneituten dan naranin an dang tur a ni lo.
  14. Sawrkar hnathawk tupawh in Department dang a hna zawn a duhin a dilna chu an hotute hnenah phalna zawngin a theh lut hmasa zel tur a ni a, phalna a la hmasa ngei ngei tur a ni. Tin, phalna hmu hmasa lova a dilna … copy a pek pawhin a dilna chu a hnathawhna hotute ngaihdanin ngaihtuah chauh tur ani ang.
  15. Sawrkar hnathawk tupawh pisa chhunga a awm laiin zu ruih phal ani lova mawilo tak leh hotute mit tling lova awm apiang chu hrem theih an ni a, ban pawh ban theih an ni.

 

Bung-III

  1. Sawrkar hnathawk tupawh Sawrkar sawichhia leh a mawilo thu thehdarh chu ban theih an ni.
  2. Vantlang leh mipui mit kham khawp a sawrkar hnathawhna ah emaw, pawn lamah emaw nungchang mawilo leh zahpuiawma awm reng reng chu ban theih an ni.
  3. Phalna lovin sawrkar hnathwk tupawh sumdawn phal a nilova, hlawh hmuhna emaw hmuhlohna emaw a hnathawh lai bakah hnadang chelh phal a ni lo.
  4. Phalna lovin hnathawk tumahin nupui pakhat aia tam an nei tur a ni lo.
  5. Nulat Tlangval thu ah mipui mit tling lo leh nula pawngsual leh zen ching sawrkar hnathawk tupawh ban theih an ni a, mipui duhlo zawnga nungchang nei leh sawrkar ti hmingchhe khawpte chu an hnathawhna atanga chawlhtir nghal theih an ni.
  6. Sawrkar hnathawk tupawh mipui tibuai tu ;leh ti chiai a, an bungrua te phalna lova la tu apiang leh mipui lungawi lohna thlen zawng a nungchang nei leh sawrkar ti hming chhe khawpte chu an hnathawhna atanga chawlhtir nghal theih an ni.
  7. Sawrkar hnathwk tupawh hremna tling khawp sual (civil offence) ti chu chawlhtir nghal theih an ni a, an thu awmdan a zira ban nghal theih an ni. Criminal offence ti phei chu ban nghal theih an ni.

 

BUNG-IV

He Dan hi atul ang zela siam that theih a ni.


Rambuai tirh atangin kum zabi chanve lai a lo liam ta. Khatih hunlai a thil thleng thenkhat te lehkhathawn chi hrang hrang hmangin kan han thlirlet e.

 

 


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s