NHM thawkte hlawh lak theih loh chhan: Cheng nuai 88 hmuh hmaih vang!

Supplementary Demand for Grants ah NHM sum a tel tih an hriat loh vangin hlawh la thei lo an nih hmel – Finance Dept

 

National Health Mission (NHM) Mizoram hnuaia thawktu 1,500 chuangte’n thla tam tak hlawh an lak loh chungchangah sorkar in a tum ve tur, State Matching Share (SMS) a neih loh vanga hlawh la thei lo angin inhre mahse, Finance Department chuan Supplementary Demand for Grants ah NHM sum tur a tel thu leh chu chu NHM hotute’n an hriat fuh loh vang nia an ngaih thu an sawi.

NHM hnathawkte hlawh lak loh chungchangah hian Finance Department-a Budget khawihtu Under Secretary Lalnuntluanga’n tun dinhmunah SMS pek theih loh an neih loh thu The Frontier Despatch (TFD) a hrilh a, sorkar laipuiin Mizoram sum bawma sum a rawn thun a, Mizoramin a tum ve tur a rawn bituk ah tum theih loh an neih loh thu a sawi.

NHM sum chungchangah Finance (Budget) Under-Secretary hian, “Kum 2016-17 sorkar kum tawp dawn khan NHM hi cheng nuai 87.98 kan pe a, kan pe tawh tih hre lovin kumin sorkar kum tharah hian an rawn dil nawn leh a. Chu chu May 4 khan kan pe leh a, mahse, kan lo pek tawh avangin pek nawn lehna chu hman kan phal lo a, chu chu hrethiam lovin sum pek tawh sa hman phal lo angin an hre ta a ni,” a ti a.

A awmzia berah chuan NHM te hian cheng nuai 87.98 hi hman phalsak an ni tawh tih hre lovin an dil nawn a. An dil nawn takah chuan Finance lamin an pek tawh sa a nih tho avangin an dilna hi phalsak mahse, hman erawh an phal lova. NHM chuan chu chu hrethiam lovin sum an la nei lo angah an ngai a, July thla khan sum dang nen an dil nawn leh ta a ni.

“Finance Minister in Budget Session-a budget a pharha Supplementary Demand for Grants-ah khan NHM sum hi a tel a, chu chu an hre lo a nih hmel. July 7 khan cheng nuai 633, a hmaa cheng nuai 87.98 kan pek tawh ti telin an rawn dil leh a. Cheng nuai 633 atang hian cheng nuai 87.98 kan pek tawh paihin a bak zawng chu kan pe a, Finance (Control) ah expenditure sanction an tih fel chuan an hmang thei mai ang, hlawh la thei lo te pawhin an la thei mai ang,” tiin Lalnuntluanga chuan a sawifiah.

Finance (Budget) Under Secretary chuan, “NHM hian SMS pe thei lo anga sorkar an puh pawh hi an tisual em em lo a, thil an hriatthiam loh avangin an sum rawn dil kan pek zet tawh hman kan phal lo kha a ni mai a. Nikum (2016-17) khan an sum a fel loh avangin Finance Department chuan uluk takin thil kan en a, chumi chhung chuan thil a kal deuh avangin SMS pe thei lo anga min ngai pawh hi a awm lo lutuk lo,” a ti bawk.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s