CAG-in YMA hnuaia NLUP baseline survey chungchangah dawt a sawi reng em?

Ram hruaitute zingah CAG report a dik lo ti an awm nual tawh a, Congress Bhavan-ah pawh Chief Minister meuhin CAG chu dawt sawi ah a puh. Mahse, CM puhna leh CAG report enkawp chuan hei hi thu belhchian dawl lo niin a lang

 

Sorkar laipui leh state sorkarte’n mipui sum an hman dan endiktu, Comptroller and Auditor General of India (CAG) report te chu a dik tawk lo titu ram hruaitute zingah an awm zeuh zeuh ta a, heti zawnga a sawi hnuhnung ber pawl chu Chief Minister Lal Thanhawla niin, state sorkara hotu berin hetia a sawi hi chanchinbu ah pawh a lang nasa hle a, a thusawi dem tu pawh an awm nual.

Ama’rawhchu, CAG report a dik lo tia CM-in a sawi demtute hian CM-in a dik lo a tihna lai tak chu a dik chuang lo tih an sawi lang lem lo thung a, CM hian Bhavan-a a thusawi ah hian CAG hi an sawi loh pui a sawi tir a ni titu pawh an awm chuang lo.

 

CAG report “dik lohna” tiin eng nge CM-in a sawi?

July 14-a Congress Bhavan-a political session-ah CM chuan, “CAG report te hi Luka ziak anga dik lo thei lo a ni lo. NLUP chungchangah base line survey mumal an nei lo tih te hi an report dik lohzia entirna a ni,” a ti niin Mizoram Pradesh Congress Committee thu chhuak chuan a tarlang a.

Vanglaini chuan, “[CAG] an dawt chian zia chu, NLUP-ah baseline survey neih a ni lo, an ti a, YMA thawhpuiah sawmin suvey tih vek a ni,” tiin CM hian a sawi niin a tuk, July 15 (Inrinni) khan a ziak a.

The Aizawl Post pawhin, “NLUP chungchangah baseline survey mumal an nei lo tih te hi an report dik lohzia entirna a ni a. Khawtinah YMA ten uluk takin survey hi min tihsak a ni,” tiin CM-in a sawi tiin hemi chungchang hi a ziak ve bawk a ni.

 

Engtin nge CAG-in a ziah reng?

CAG audit report thar lam ber hi kumin May thlaa GST pawm tura koh, ni khat awh Assembly Session-ah khan pharh a ni a, he report ah hian NLUP kalpui a nih dan zirchianna hi chuangin, NLUP audit bik hian phek 25 a awh a. He audit report bu phek 74-na ah chuan CAG-in heti hian a ziak:

“NLUP kalpui dan tura ruahmanna ah baseline survey leh beneficiary thlan dan tur a tel tih audit chuan a hmu a. Survey chu Young Mizo Association hnuaiah tih niin, a thil tum ber chu khaw 813-a beneficiary te leh an trade thlan tur te zirchian a ni a. He survey hian program huam tlak chhungkaw 1,59,528 a hmuchhuak a. [NLUP] manual chuan beneficiary te chu VLNC [Village Level NLUP Committee] te’n an thlang ang a ti na in, NLUP Apex Board chuan April 2010 khan kum nga chhunga tanpuina dawng tur chhungkaw nuai 1.20 a thlang ta zawk a ni. Eng tehfung hmangin nge NLUP Apex Board hian beneficiary te hi a thlan tih chu audit theih turin ziaka dah a awm lo.

“NLUP Implementing Board chuan December 2016 khan beneficiary te hi VLNC te’n guidelines leh baseline survey behchhanin an thlang niin a sawi a. Mahse, VLNC te hi beneficiary thlan chungchangah an inhnamhnawih tih leh baseline survey thil hmuhchhuah te hi hrilhhriat an ni ve hrim hrim tih lanna ziakin engmah hmuh tur a awm lova, chuvangin he chhana hi pawmtlak a ni lo,” tiin CAG report-ah chuan a in ziak thung.

IMG_20170717_141416_HDR


2 thoughts on “CAG-in YMA hnuaia NLUP baseline survey chungchangah dawt a sawi reng em?

  1. A dik khawp mai ringtu Pathian nungbia inti tan chuan khatih lai a YMA presidet vengtina mi te hi zawh theihin an la awm vek alawm beneficiary base line survey neihna ah antel reng em tih chu, kan vengah chuan antello phawt unit hruaituten ani khawihni hei hi chu vengtin YMA te arukin zawt sela achiang ber ang veng thenkhatah te chuan anlo hmangpawh ani thei a.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s