Rambuai/ Cabinet meeting  30.6.66 to 2.7.66

D/24/41.

GOVERNMENT OF MIZORAM (MINISTRY OF DEFENCE)

Summary of the proceedings of the Cabinet meeting held from 30.6.66 to 2.7.66 at Rualpuihlip.

  1. Volunteer leh thi chhung te ralna:- (i) Volunteer thi te zawng zawng chu Officer leh … te pawh Mizoram sawrkar in Rs. 100/- (Cheng za) zelin ral ni se. He i hi … emaw lu man emaw a ni lo. Chu chu sawrkar din gheh hun a la ngaihtuah zuitur a ni zwk ang. (ii) Civilian thi te chu ral tlak leh awm ni ngei leh keimahni mi tha te chu Rs. 25/- (cheng sawmhnih leh panga) zelin ral ni se. Heng ralna hi Home Ministry lamin an buaipui ang.

 

  1. Defence Personel te reng reng chhungkaw harsa te bik leh tanpui ngaite enkawl na chu Finance ministry in kan pawisa dinhmun thlir chung zela a ruahman tawh angin pek a ni ang. Active service a an awm loh lai chuan Home ministry kutah an awm ang. Tin, active a awm laite chhungkua enkawlna ah hian mi vantlang tana ruahman leh mamawh pek ang ah chuan a tul chuan hmaih an ni chuang lo vang. Defence minister a in pek tur leh tanpui ngaite fel taka a ruahman veleh hemi tan bik a Financial Allotment siam atang chuan sem chhuah a ni ang.

 

  1. Volunteer leh Army inthen thu: July 1, 1966 atang chuan tunhma lama Mizo National Volunteer zawng zawng te kha MIZO NATIONAL ARMY tih a ni vek tawh ang a; amaherawhchu he Army hi Emergency huna ram leh sawrkar …(Conscripted Army) an nei thin ang kha ni lovin mahni thu ngeia ram leh hnam tan a in pe (Volunteer Army) a ni zawk. Tichuan tun hma lam Volunteers zawng zawng te chu Army an ni vek tho a, tumah regular leh regular lo an awm chuang lo. Amaherawh chu tun a kan ram leh hnam kal dan dinhmun en hian Army Personnel zawng zawng ten mahni in leh lo kal chhuah sana hnathawh theih a nih chuan lo … chu tul pawh a tul rih kher lem bawk lo. Chuvangin kan dinhmun ena induh twk ang zel thlir chungin ACTIVE SERVICE atan mi tlem deuh zawk thlan chhuah ani rih ang. Tin, hei hi a inchhawk in thlan chhuah tur a ni bawk ang.

Tun ah rih chuan Division khat atangin ni 300 aia tam lo thlan chhuah rih tur a ni a, Area leh Sub area tang erawh chuan mi 75 aia tlem lo thlan chhuah rih tur a ni.

 

  1. Operation Policy Tlangpui chu hetiang ani rih ang.

A theih ang tawk in mipui leh nunaute tuar loh dan ber tur ngaihtuah a ni ang. Chuvangin Mizoram pawn lam leh ramri hrul vel ah te uar bik ni sela, tin, kan chetzia leh thil tih reng reng in khawvel zau zawk a den dan te thlir tel reng fo tur a ni.Hemi bak ah hian Silchar, Aizawl, Lunglei leh Champhai, etc. lamlian tlangdung hmun remchang lai te zawn ni bawk rawh se.

 

  1. Army Headquarters leh Division Hqrs ah te Liaison Officer dah vek tur a ni.

 

  1. Commissioned Officer zawng zawng te chu selection … ngaihtuah in a thlan chhuah loh chuan nemngheh an ni lo vang a, tin, tul leh tha a tih ang in chu chu tih a ni ang.

(i) President ii) Defence Minister iii) Chief Justice.

Khingte khian Lt. Colnel chin chung lam an thlang bik deuh ang a, tin, a hnuai lam zawng te chuan an mahni vek emaw midang thlangtu board an siam te hnen ah emaw chuan mawhphurhna an pe ang. A tul leh mamawh dan angin phungbawm pawh sawm theih a ni ang.

  1. Tuna Mizoram pumpui Division li a then khi Command hnih ah then ni se tichuan Command khatah Division hnih a awm ang. He command a hotu ber hian ama Head qrs chu a hranga siam lovin Army Hqrs Officer chelhtu ang in an thawk tlang nghal ang.
  2. Army Headquarters Command a Command Division Commanders te ruat tlan an ni a, chu chu hun remchang ah selection board a en ang a, nemngheh an ni ang tha leh tlak an tih chuan.
  3. Town Area chungchang tih fel nghal a ni a; Division tin ah Ministry dang pawimawh a lak bak te chu sem ral ni se.
  4. Ministry of Defense leh Home inlaichin dan te thlir nawn leh sawi tlan a ni a. A bikin intelligence leh lungin tang techungchang sawi ho a ni. Home Ministry hnuaiah tun tang chuan Constabulary Force din ani tawh dawn avangin thil a kal fel deuh tawh ang.
  5. Finance Ministry Accounts Officers Ministry ah a han dah ang.
  6. Finance thilah in enkawl na a fel hma theih nan Defence List buatsaih nghal tur.
  7. Organisation thil remchang en a tlem tlem siam danglam hret hret a ni a, Assistant Secretary hmun a mamawh dan anga siam tur a sanction nghal a ni.
  8. hna tul leh fel zawk a kal theih nan Ministry hrang hrang Organization hi chipchiar leh fel deuh a in hriattir vel ni sela, tin, lehkha leh thil pawimawh reng reng a copy inpek a tam theih angin tih ni rawh se (organisation copy siam chhuah a Ministry hrang hrang ah pek theuh tur).

Sd/- Zamawia

DEFENCE MINISTER

Copy to:               1. The President 2. Minister dang zawng zawng te.

Sd/- Zamawia.

DEFENCE MINISTER.

RUALPUIHKIN

July 2, 1966


Rambuai tirh atangin kum zabi chanve lai a lo liam ta. Khatih hunlai a thil thleng thenkhat te lehkhathawn chi hrang hrang hmangin kan han thlirlet e.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s