Ramchhung/ Damlote a thlawna enkawl theihna tur ruahmanna duhlo in NITI Aayog-in sorkar damdawiin private hman hawh tir a rilruk

Kum 2015 khan sorkar laipui chuan health system ah sum leh pai tam zawk chhun luh ni sela, damlo te pawh sorkar hnuaiah a thlawnin inenkawl thei rawh se tih rawtna a siam a. Mahse, tunah chuan damlo enkawlna lama sumdawng te tana awlsam zawka chet theih dan thar a rilruk ta zawk niin a lang

 

NITI Aayog leh Health Ministry te chuan tunhnai khan state hrang hrang hnenah district hospital building leh ram te chu private hospital te hnena kum 30 luah hawh tir theihna tura ruahmanna chu a sem niin internet lama thuthar thehdarhtu Scroll.in chuan July 19 khan a tarlang.

He ruahmanna hnuaiah hian heng private hospital te hian inkaichhawn theihloh natna vei te chauh an enkawl thei ang a, district hospital te chuan khum 50 emaw, khum 100 lenna hospital hmun mamawh te chu heng private hospital neitute hnenah hian a hawh tir tura ruahman a ni.

Mahse, private hospital te hian district hospital te ambulance, blood bank, ICU, operation theatre, laboratory leh radiography hmanrua te bakah physiotherapy dept te, damdawiin hnawmhnawk paihna te, kawlphetha lakna te thlengin an tawmpui theih dawn rualin, private hospital te hian sorkar hnuaia health scheme neite hnenah chuah inenkawlna khum an pe thei anga, a thlawn erawh chuan damlo inenkawlna an siam a ngai dawn lo thung niin tarlan a ni.

Health hi state sorkar te thuneihna ni mahsela, he draft contract hi state hrang hrang entawn atan NITI Aayog leh Health Ministry hian an siamchhin ni berin a lang. Scroll.in sawi dan chuan he ruahmanna thar hi sorkar laipuiin kum hnih kaltaa a tum dan a sawi nen a in persan hle a. Kum 2015-a phochhuah National Health Policy chuan nasa zawkin damlo enkawlnaah hian sorkarin sum leh pai seng sela, damlo te chu sorkar hmalakna hnuaiah a thlawn veka enkawl an nih theih dan tur ruahmanna a siam nghe nghe. Mahse, he ruahmanna hi NITI Aayog chuan a duhlo a, private hospital leh damlo enkawlna lama sumdawng te tel tam zawk turin a duh a, tunhnaia draft contract a sem chhuah tak hian ramchhunga damlo enkawlna a kalpui tum dan a puangchhuak anih hmel.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s