Technical course/ Sorkarin category-I ram neitu Zofate kutah chauh dah dawn: H&TE Minister

Higher and Technical Education Minister R Romawia chuan vawiin (July 26) khan thuchhuah siamin “kumin 2017-a Mizoram quota-a technical course zir tur thlanna neih mekah hian Mizoram sorkar chuan category-I hi ram neitu Zofate kutah chauh a dah dawn a ni,” a ti.

Ramchhunga technical course kalphung thar sawi langin, Minister chuan, “Kum dang ang lo taka sorkar laipuiin All India level a Entrance exams – NEET (National Eligibility cum Entrance Test) a buatsaih tak avangin, Mizoram chhungah thalai leh zirlaite hi Quota-ah chauh innghat lova, general atanga tling thei tur khawpa taima lehzuala zirna ngai pawimawh turin Mizo zirlaite ka chah,” a ti bawk.

R Romawia sawi dan chuan, kum 2014 khan Mizoram sorkar leh MZP inbiakna angin sorkar chuan The Mizoram (Selection for Higher Technical Courses) Rules 1999 chu kum 2015 khan a siamtha a, Category-I a “Indigenous” chu “Zo ethnic people of the state of Mizoram” tiin a thlak a, category-II hnuaiah “children of non-Zo ethnic people of the state of Mizoram” tih a dah tel bawk a.

Mahse, “he dan siamthar hi mi thenkhatin an khin avangin High Court in hman theih rih loh turin a dah (stay) a. Hetianga High Court-in dan thar hman a phal tak loh avangin Rules hlui chu hman a lo ngai leh ta,” tiin Minister thuchhuah chuan a sawi a, ama’rawhchu sorkar-in category-I chu “ram neitu Zofate kutah chauh a dah dawn” a ti.

Tlawmngai pawl lian panga te’n 2018 tualchhung inthlanpuiah Chakma candidate din tir lo turin political party tin ngen 


One thought on “Technical course/ Sorkarin category-I ram neitu Zofate kutah chauh dah dawn: H&TE Minister

  1. Kan ram inthlanah hian sawi ngai lovin ram hmangaihtute hian kan hnam Mizo lo chu candidate ah an dah lo sa tutah ka ngai a.Lalna leh thuneihna chang tur hian pawisak neih lo mai pawh a awl ta a nih hi.Mahni pawn tuar dawn se,retheih pawh huam in ram leh hnam hi hmangaih law law sela,a te ber atanga a lian ber thlengin,a dan a dang deuh ang.Pathian tih tlat mi ram Hmangaihtu kan mamawh ber.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s