Sorkar in Aizawl Hospital leh Care Hospital empanelment hlihsak

Sorkar hnathawk te’n heng damdawi in ah hian MR an bill thei tawh dawn lo

 

Mizoram sorkar chuan Aizawl Hospital & Research Centre, Khatla leh Care Hospital, Dawrpui te empanelment/recognition chu vawiin (August 10) khan notification tichhuakin a hlihsak a, heng damdawi in pahniha sorkar hnathawk leh an chhungte inentir/inekawl te chuan sorkar-ah Medical Reimbursement an bill thei tawh dawn lo tihna a ni.

Ama’rawhchu, notification chhuah a nih hma zawnga heng damdawi ina lo inentir/inenkawl tawh te erawh a huam lovang.

Health & Family Welfare Department notification in a sawi dan chuan, heng hospital pahnih te hian Below Poverty Line (BPL) damlo te chu man man zawka an inentir theihna RSBY chu an pawm duh lova, sorkar recognition/empanelment atan hospital te’n RSBY hi an hman ngei a ngaih si avangin an recognition/empanelment te hi a hlihsak ta a ni.

Health Secretary Lalrinliana Fanai thu chhuah tarlan danin Mizoram sorkar leh Mizoram State Health Care Society (MSHCS)-te’n RSBY hi hmang ve ngei turin Aizawl Hospital leh Care Hospital te chu an lo ngen tawh thin a, mahse, damdawi in te hian an zawm duh lo a.

An chungchang hi July 11, 2017-a Chief Minister Lal Thanhawla kaihhruaia Mizoram State Health Care Society Governing Body meeting vawi 15-na chuan a ngaihtuah a, sorkar ngenna an ngaihpawimawh duh loh avangin heng damdawi in te empanelment/recognition chu a hlihsak ta a ni tiin a inziak bawk.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s