Mi Zo Leh Vai/ FAI TUR

M&V-3

Khawvela hian mihring hnam hrang tamtak kan awm. Nimashela kan in ang lo vek ani: thenkhat kan vun a ngo, thenkhat kan hang. Nimah-shela a hang leh a ngo intluk reng in a fai thei ani. Tin, Mizo hi bal mi kan lo ni bawk a, mi fai tak leh var takin inchei shela, intifai fo shela “A uluk” tiin kan inrel thin. Fai na hi mawina chauh leh ulukna chauh ani love, hrisel-na leh harh-na a ni zawk ani. Mihring tupawh intifai fo chu mi bal tak ai-in an hrisel-in an harh zawk em em thin ani. Tin, Mizote ai-in Lakher ho an bal zawk em em chuti-chuan Mizo ai-in an harh lo zawk em em a, uithak pawh an vei bik. Chuti-ang zelin Lakher ai-in Mizo an fai zawk a, an hrishel zawk a, vai ai-in Sap an fai a an hrishel zawk a. Tin, Sap ho hi an taksa en in an ngo a an fai rmaw ti mai ani lo, hnam dang ai-in intifai an peih ani, an ching a, intifai rel lovin intifai lo an rel zawk ani awm e.

Tin, hre-reng ula, “Kan vun hi chhihri angin a pawp chuk,” an ti kha. Kan vun hi a pawp chuk a, kan fai in kan kaw chhung a thil bawlhhlawh alo chhuak a, kan pawp kara chuan, thlansa te a lo chhuak a, chuti in mihring an hrishel ani ang. Tin, an bal chuan an vun pawp chu bawlhhlawh in a hnawh ping a thlansate leh thil bawlhhlawh te a lo chhuak thei lo va, chuti in an damlo thei, an khawsik thei e. Tin, pawn lama pawh kan vun a hian pan emaw uithak emaw kan vei thei e. Pan hi kan sil fo thin, bawlhhlawh chuan a pun ang ti kan hre reng thin, a fai chuan a dam hma ang ti kan hre reng bawk ani. Chuti-chuan bal tak chu in tipem hlek mah-ila ban a pun em em thei, uithak pawh a lut duh ani. Tin i puan zawng zawng tifai fo bawk rawh. I tui in tur a fimkhur em em bawk rawh, tui luang lo hnah thel zing a tling mai mai te hi in shuh la. Tui a chuan rannung tetakte mit-a i hmuh tham lo a awm a, chumi chuan i kaw chhung zawng zawng a tichhe vek thei ani.

Tin, tuna taksa leh puan tifai fo hi hriselna ani kan ti a, taksa leh puan tifai fo hi zahthlak ani lo, dem tur ani lo, hreshel-na leh harh-na ani avangin rel lovin zawm vek zawk ila a tha  ani.

Leta Khiangte Khupchhung, Zir-tir-tu, Lungleh.

He thu hi Mizo leh Vai Chanchin Lekhabu, Lekha VIII, August 1904, phek 7&8 atanga lak chhawn a ni.


Mizoram a chanchinbu chhuak hmasa ber pawl, Mi Zo Leh Vai Chanchin Lekhabu ami thu kan han chhuah chhawng e. He chanchinbu hi khatih lai a Lushai Hills Superintendent in thlatin a tihchhuah, Sylhet a chhut thin ani. He thu hi a ngai ngai a chhuah chhawn ani.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s