Rambuai/ “Khawpui chhung ah misual an tam”

D/189-9

Directorate …

Office of the special officer, CBI

Dampa Aizawl Area, …

 

Most Confidential.

To:-     The Director, CBI

Mizoram.

Sub:-   Report kal vel.

 

Ka pu,

Khawngaih takin ka reportna hi mi han ngaihtuah sak ngei ka duhin ka beiseia, tin, a theih chuan mi han hrilh fiah thei bawk la ka lawm em em ang.

Kan hriat tawh angin khawpui chhung ah misual an tam avangin tu tan pawh hnathawh a harsa ta. Heng misual lo awm tirhte leh a dintu thing tlang lam atanga lo kal pahnih lek an nih lai atanga kan hriat tawh leh nearest authority Aizawl … D.C. hnena report fel tak an … in thlenga report pek … mahsela Mizo sawrkar against leh Ram leh Hnam ke pen ti bahlah tu, hektu, enthlatu. Ate ber tanga a alian ber thleng in Aizawl Area chhung reng reng ah report a awm in tun thlengin tuchung ah mah kut thlak a awm ngai lova, an tum bawk heklo. Chuvangin intelligence tan chuan hnathawh thiam a har in hriatthiam a har hle mai. Kan hnathawh hi engahmah an ngaih si loh chuan kan kawng daltu harsa tak a kan hmuh chhuah misual tam tak te hi an pung tual tual thin.

Chawp leh chilh a action lak tur chi tam tak a awm thin avangin higher authority hnen thlen hman loh thil a awm thin si a, tin, nearest authority hnena report pek pawh in copy chu pek chhuah vek an ni tho thin, mahsela kan kal kawng leh dak lam chak leh that tawk loh avangin lehkha pawimawh tak tak te pawh a kal na tur hmun thleng lovin a pilral fo mai a. Chuvangin sawrkar in a chhawr ngei tur leh sawrkar tana tangkai ngei tur kan thawh chhuahsa a thlawn fo thin hi a tih that dan a awm lawm ni?

Khawngaihtakin min han ngaihtuah sak ngei ka dil che a ni.

Khawpui chhehvel leh khaw thum, khawchhete, Lungleng leh Vawkzawn ah an chairman te an man sak avangin tun thleng in hruaitu neilo in an awm a V/C dang thlaphangin bang ngawt an ngaihtuah bawk nen, Administration D.C. ten an kal tir loh avangin hnathawk tu tan pawh ei leh bar kawng ah pawh a in thlahrunawm thei tanin, mipui te an chiai chho zo ang tih a hlauhawm tak zet a ni. Pu Kawlchhawna leh ADC in May thla atang khan Aizawl area chhung ah mipuite fuihna emaw, Zirtirna kawng dang dang pawh khawi khua ah pawh an la nei duh lova, tin, V/C chauh tal pawh kawmna an la nei ngailo.

Aizawl area DC te hian Administration leh action (Magistrate) hna hi an khawih velo tur em? Or town chhung ah collection leh operation chauh ngaihtuah in, mipuite an ti-thlabar reng tur em ni bik?

Khawngaihtakin min han hrilh ngei ka duhin ka ngen che a ni e.

Rinawmin,

Sd/- Lalmuana.

Special Officer, CBI.

Aizawl area.

SCBI-3/ Misc./67/41

Dated Aug. 12th .67.

 

Copy to:-

  1. Home Minister, Mizoram for favour of information and necessary action.
  2. The chief commissioner Dampa Area, for favour of information and necessary action.

Sd/- illegible.

Special Officer,

Central Bureau Investigation

Govt. of Mizoram.


Rambuai tirh atangin kum zabi chanve lai a lo liam ta. Khatih hunlai a thil thleng thenkhat te lehkhathawn chi hrang hrang hmangin kan han thlirlet e.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s