Ruihhlo do kawnga mithiamte thil hmuhchhuah leh ngaihdan langsar zual thenkhat te

Social Welfare department-in Mizorama ruihhlo ti thinte dinhmun zirchianna, ‘Baseline Survey Report on the Extent and pattern of Drug use in Mizoram,’ tih an buatsaih chu August 8 khan Assembly Annexe conference hall-ah Chief Minister Lal Thanhawla’n a tlangzarh a. He survey, ruihhlo ngai 2,633 lai kawmna buatsaihnaa puipa ber Dr Debashis Mukherjee chuan an thil hmuchhuah te sawifiahin tuna Mizorama kalphung zingah manganthlak leh duhkhawp loh tur chi hrang hrang a sawi. The Frontier Despatch (TFD)-in mithiamte thil hmuchhuah Thenkhat a bihchiang:

 

Kum 15-16

Ruihhlo ngai kawm te’n a tlangpui thu a zu, vaihhlo leh damdawi ruih an chin Tan kum

Kum 19

Ruihhlo ngai te’n ei leh zuk mai duhtawk lova damdawia an inchiu Tan kum tlangpui

*Ruihhlo ngai an kawm te’n a tlangpui thu a an tleirawl/rawlthar laia ruihhlo an tih tan thu an sawi hi a manganthlak rualin sikul leh zirna in dangah te hrialhhriatna (awareness) nasa taka kalpui a ngai tih a tichiang a, chu chu bawhzui a ngai hle tih Dr Mukherjee chuan a sawi.  Social Welfare Secretary P Lalchhuanga pawhin hemi chungchang hi sawiin, sikul leh college te hian naupang zirlaibu ah ruihhlo thatloh zia te tilangin, counselling te kalpui se an duh thu a sawi. 

 

500

An thiante hriau hman tawh hnu a inchiu tawh zat

70.7%

Ruihhlo a inchiu Thin kawm te zinga HIV leh Hepatitis C hlau lova insawi zat

71.7%

Ruihhlo ngai zinga inenkawlna zawn ngaihna hrelo ni a insawi zat

3%

Overdose (OD) te nunna chhan theihna damdawi awmchhun nia khawlvelin a ngaih NALAXONE an OD laia pek zat

*Hriau thianghlim hman nachang hrelo heti zat leh HIV leh Hepatitis-C hlauhawm zia hrethiam lo heti zat an hmuchhuak hi Dr Mukherjee chuan pawi a tih thu a sawi a. MSACS-in heng natna te chungchang  hrilhhriatna (awareness) a kalpui mek laia hlau miah lo an la awm hi a mak a, MSACS hnathawh hian awmzia a nei lo em ni tiin zawhna a siam.

 

1,269

Heroin addict zat

1,168

SP, Spasmo, Relipan, RP Parvon, Parvon Spas Proxyvon a inchiu thin zat

 

20

Cocaine ti thin, cocaine addict mek zat

15

Meth ti thin, meth addict mek zat

*Tlem angin lang mahsela, Mizorama ruihhlo lar lo tak, khawvelin a buaipui em em si cocaine leh meth rui Thin leh addict tawh heti zat an awm anih chuan Mizoramah hiancocaine leh meth hi a duh mi tan chuan lei tur a awm reng tihna a ni a, hei hi a ngaimawh awm hle niin Dr Mukherjee chuan a sawi. Tin, cocaine leh meth ngai te enkawlna tualchhungah a awm ve silo a, hei hian a ti manganthlak lehzual niin a sawi bawk.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s