Huaisen chawimawina leh hnathawk tha lawmman hlan

August 15-a ram zalenna ni, Independence Day vawi 71 ah khan huaisen chawimawina leh sorkar hnathawk tha lawmman chu Chief Minister Lal Thanhawla’n a hlan a.

Huaisen chawimawina, Jeevan Raksha Padak Award 2016 chu mi pali hnenah hlan an ni a, Sarvottam Jeevan Raksha Padak chu pawl 7 zirlai Roluahpuii, Darlawn in a dawng a, ani hian March 3, 2016 khan a thiante pahnih Tuivawl luia tla a chhanchhuahna lamah a nunna a chan. He award tho hi Thingsulthliah khua ami Isaac Lalrinchhana hnenah hlan a ni a, ani hian March 9, 2016 khan Turini lui livirin an thian pakhat a la chu a chhanchhuak a ni.

Huaisen lawmman tho Uttam Jeevan Raksha Padak chu Churchill-a, Electric Veng in a dawng a, ani hian October 2, 2015 khan Electric Venga Lai Students Boys’ Hostel-a awm te nen Rihdil ah an kalna ah mi pahnih tuia tla a chhanchhuak a.

He huaisen chawimawina vek hi Sakawrdai khua ami Roluahpuii hnenah hlan a ni bawk a, Roluahpuii hian December 14, 2015 khan an ram kalnaa sanghalin mipa naupang a beih chu a chhanchhuak a, a chhanna lamah hian a hliam nghe nghe.

State Award for Teachers 2017 chu Chhiahtlang High School Headmistress K Zoramchhani, Kolasiba TS Luaia Middle School Headmaster R Lalzokima leh Lunglei Pukpui Primary School I Headmistress Lalmuankimi Khiangte te hnenah hlan an ni.

Police hnathawk tha chawimawina Governor Gold Medal chu Sub-Inspector JH Chunglianthanga, CID Special Branch ami hnenah hlan a ni a. Presidents’ Police Medal for Distinguished Service dawng turin IPS officer Lalbiakthanga Khiangte, tuna Asst. Inspector General of Police II thlan a nih thu te, Presidents’ Police Medal for Meritorious Service dawng turin MPRO SP PC Lallianthanga, 3rd IR Bn. Commandant K Lalremsanga leh Aizawl SP Office-a Crime Branch Reader Insp. Vanlaltluanga Parte te thlan an nih thu te, Union Home Ministers’ Medal for Excellence in Police Training dawng turin Thenzawl PTS ami Hav. Daniel Ramhluna te thlan an nih thu puan a ni bawk.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s