The Frontier Despatch

Kar Tin Chhuak Chanchinbu

Ruahsur vangin lo hal tawp hun sawn

Lo hal zawh hun hnuhnung ber atan Mizoram sorkarin March ni 15 a lo ruat lawk tawh chu tunhnaia ruah a sur tak avangin district tin Bawrhsap te lo hal zawh hun sawn hlat theihna thu sorkarin a pe.

State Level Fire prevention Committee chu tukin (March 14) khan a thu a, hetah hian “lo hal hmanlo te ngaihhnathiam an nih tur thu a chhhuah,” tiin Information Department thuchhuah chuan a sawi a, lo hal hun hnuhnung ruat chungchang chu DC theuh te kutah a hlan ani a ti bawk.

Hemi ni vek hian Aizawl DC chuan thuchhuah siamin Aizawl district bika “Lo/Huan hal tur te chuan March 31 hma in an hal vek tur a ni,” a ti a, Champhai District Fire Prevention Committee pawh Bawrhsap hovin tukin vek khan a thukhawm nghal a, lo hal hun tura ruahman hun chu pawh sei tha a ti a, entik thleng nge pawhsei tur tih erawh chu “ Champhai District Village Council Association hruaitute nena sawiho a chumi thutlukna zulzui a bithliah turin a rel…”

%d bloggers like this: